I år var påskeegget fylt med andre ting enn det vante......

Det er berre dei klare gulfargane på blomemarknaden som minner om Påske i Thailand.... og sola då som skin heile dagen og varmar oss kanskje meir enn me kan tåla midt på dagen.

Med Påska kom sommaren. Ingen vår her. Det gjekk rett frå vinter til sommar. Rundt 30 grader på dagtid..... Her blir ein godt van med å svetta utan å gjera dei heilt store fysiske spranget....

Det resulterte i at eg med min tjukke hårmanke måtte til frisør for å minska litt på svettetoktene. ``Der forsvann 10år i eit klipp``, sa misjonær Eirin då ho såg resultatet. Seier takk for det, men så kort hår har eg aldri hatt før.......uvant ...... trur eg vil ha dei 10 åra tilbake......

Helga før palmehelga landa Kristi Beate og Knut Erik i Bangkok. Ho skulle vidare på studietur i ei veke til Singapore.

Dei kom frå kalde og snøslafsete Trondheim til varme Bangkok.

Eg heiv meg på flyet denne gongen for å få mest mogleg ut av 2 dagar med dotter og svigerson....

(og så var eg så spent på å se babymagen)

....Og kor enda me opp????

Hos skreddar Brioni og Mr. Alex med kalkulator og gode tilbod på stooooore bestillingar. Kristi Beate hadde t.o.m med mål av yngsteblad Øvestad, så her blei det ein god ordre. ``Don t cut my finger`` ber Alex om, men sidan eg er den gode kunden eg er, og sidan eg allereie har ``cutta`` både ein og to og tre fingrar i mi pruting så blei det ein god ``deal for alle``. Eg fekk t.o.m ei gåve p.g.a alle mine bidrag til nye kundar (ei fin grå kashmirjakke til vårkveldane i Noreg).

Men Mr. Brioni kan sitt fag.....det skal dei ha. Odd Kjetil i Norge er kjempenøgd med dress og vest og skjorter og slips som blei sydd kun etter mål på ein liten lapp.......men så har me jo fått litt erfaring etterkvart i å ta ut stoff og fargar, etter alle besøkja rundt i systovene.

1. halvdel av påska, mandag-torsdag var mine barn tilbake i Thailand. Då var og Knut Erik sine foreldre komne til smilets land. Alle 4 tok turen til Mukdahan og eg fekk ``påskeegg`` fylt med gildt besøk, norsk sjokolade, knekkebrød, brunost, kaviar, avis og norske vekeblad med god norsk sladder.
Tusen takk. (No storkosar eg meg med det)

Det blei ingen mjuk overgang til thaimat for gjestene. Me gjekk rett på sak. Ein ny plass å eta kvar gong me hadde måltid blei målet.

Samret, hushjelpa mi er storveges nøgd når ho får laga mat til ``farangane``. Til meg lagar ho alltid så store posjonar at eg har mat i 3 dagar. Denne dagen fekk ho laga middag til 5 personar. Tre ulike rettar blei fam. Teigen og fam. Øvestad

servert......og maten...den smakte like bra som på ein god restaurant.......

....og svoltne blei med, for sjølv om Mukdahan er ein fredeleg liten plass i høve til Bangkok så var ikkje desse dagane prega av ``slow motion``livet.

Det skal feirast bryllaup hos fam. Teigen i mai så mine kvinnelege gjester hadde store og mange

oppdrag i høve til brudepikekjolar, brudesvenndressar, selskapskjolar og gåver til barnebarn og tantebarn.

Så bra at lille Mukdahan har sitt og by på av slike kvinnelege behov som shopping, pedikyr, manikyr og frisør.......og så bra at eg har tråkka opp stiar og vegar for å nå desse måla på kortast mogleg tid, for me kom i mål på desse 4 dagane. Då var det berre nydeleg for guiden og få synka ned i ein nokså slitt skaistol hos den lokale frisøren og få litt stell på hender og føter av to alltid like smilande unge jenter.

Min personlege, lokale skreddar Pray fekk nok litt bakoversveis når mine gjester la inn storbestilling i løpet av 4 dagar.

Men ``ho`` er fenomenal. Etter 2 dagar hadde ho fiksa ein kjole til Kristi Beate og ein til Anna.

Ingen av oss hadde trudd dei skulle få det med seg i kofferten....

You are the best, my friend..... for kjolane satt sjølvsagt som støpt.

Då gjer det ingen ting om alt det andre må sendast heim pr. post.

...og det skal me få til før den store dagen i mai.

(det blir mitt oppdrag)

Gjestene skulle ha resten av påska i vante spor på ski på Geilo. Eg skulle gjerne ha vore med i snøen, men det får bli til neste år....og tenk, då med en pulk på slep ( teknologien seier me venter på ei lita jente, hurra)

GOD TUR heim og tusen takk for besøket.

Då falt valget på havet.

``Intet er så rommeleg som havet`` opnar Jærdiktaren Garborg ei av sine bøker....

...og havet er heime på Sola for meg....

Eg drog til Hua Hin, byen der alle heime dreg når dei skal feriera i Thailand.

Kven veit, kanskje møter ein naboen i Noreg når ein ferierer på slike stader??????

Eg fann eit koseleg hotell nær ei svært så fredeleg strand. Det var slett ikkje overfylt av badegjester her. HERLEG.

Men inne i byen! Der var det fullt

Her var det meir kvite menneske enn Thaiar, og prisnivået var klart høgare enn eg er vant med.......men klarte eg å la vera og shoppa for det????????

Langfredag kom Hilde ned frå Bangkok. Det var gildt å få lag resten av påska, og me to i lag klarer

å koma oss innom det meste,,,,,,,,

KABARET... blei det denne gongen.

Thaijentene er verkeleg jenter på sin hals, og dei er flotte jenter.

Men kva er det som får ein gutt til å leggja sjela si i å bli ei jente, ein ladyboy, ein kathoey. Eg berre undrast?????

Eg blei fasinert av denne thailandske varianten av ein kabaret der

-inga sminke er for voldsom

-ikkje noko plagg er for ekstragavant

-og inga adferd er for karikerande

DANSE kunne dei. Dei var så samkøyrte
i rørsler og uttrykk, men songarar var dei ikkje (playback)

1.påskedag var det slutt på mine feriedager, men før me drog til Bangkok var me innom misjonærparet Anne Brit og Arne, og deira 3 små sjarmtroll.

Dei har bygd seg feriehus i Hua Hin.

For eit koseleg hus.....,Skjønar godt at familien nyt sine frihelger her.
Kanskje eg skal satsa på eit slikt feriehus når pensjonistfasen nærmar seg...

Det er i allefall lov å laga seg draumar mot denne fasen !!!!!!!

.......Og så var påska 2008 over... utan ski og ryggsekk, men med brunfarge og ein tung koffert med 2 nye bilete i. (veit ikkje heilt kor eg skal ha dei då, men det blir det nok ei råd med lell,,,

Neste stopp for meg er Bangkok. Der ventar elevane mine.

Me skal på skuletur.