Siste skoleuke....og jentene skal ut på shopping med sparebøssene sine.

Fredag 27.juni tok DNS-Mukdahan sommarferie. Det blei ei siste veke med mykje aktivitet. Mange avslutningar var på gong. Det var øvingar, rydding og innspurt på ein del arbeid som måtte bli ferdig før ferien.


Midt oppi øving og rydding kome ivrige thaielevar innom klasserommet. Dei hadde laga dessertar og dei skulle ha vurdering innan kreativiet, smak, utsjånad og reinsemd. Eg skulle prøvesmaka og gje poeng innan kvart område. Kjempegodt, men nokså mektig etter at 10-12 grupper hadde vore innom. 2.klasse har hatt sparing på timeplanen. Dersom dei sparer noko av skulevekepengene kan dei kvar fredag spara dei i sin private bank, skulesparebøssa si. Dei fører rekneskap over kva dei har spart. Fin mattetrening å ha sin egen ``bankkonto``.

Endeleg kom dagen då dei skulle få lov til å ta med seg bøssene ut på shopping for å kjøpa noko dei ønska seg, Ikkje godteri.


Dei ville ha alt......se så fine me er. Like kjolar i kvar sin storleik måtte dei jo ha, men kjolane tok nestan alle sparepengane. Dermed måtte dei telja pengar og prioritera. Flott mattetime dette.

Valget er gjort,,,,,,er det pengar att tru når 1.prioriteringa har hamna i handleposen

Den eine blei det stopp for, medan den andre hadde litt igjen. Ho var raskt tilbake i hyllene for å få med seg 2.prioriteringsønsket.

Så var me tilbake i klasserommet blide og nøgde etter dagens handel. Kvar sin hund med eit utvalg klede var fangsten. Her skriv dei logg over dagens handlerunde.
Den siste skuledagen hadde DNS lova å ha morgongymmen for heile skulen. Dei er så glade når det blir tala engelsk over mikrofonen så her er det spente elevar som lyttar til faranglæraren. Me hadde ein engelsk rørslesong på programmet som var fin å trimma etter

Og så vanka det blomar frå vår fantastiske ``the father`` of the school. Han skal og slutte om ei veke. Det blir trist for alle for han har berre vore fantastisk med oss på DNS. Flotte blomar og mange fine ord frå han og lærarane og trampeklapp frå elevane fekk eg med meg i bagasjen.

....dermed slutta skuleåret av på same måten som det startar. Eg måtte halda ein tale på sparket for det kjem ein aldri utanom i Thailand når ein er farang.

.....og så takka me i DNS-Mukdahan for oss med ein liten oppvisning. Me dansa linedance i fullt cowboyutstyr.....og det likte dei....høg jubel og klapping frå liten og stor.

Skulle gjerne hatt ei bilete av det, men då var eg tom for batteri.......